Presentazione d’Audio-Lingua

par Joseph Turchini

Audio-Lingua, chì serebbe ? Una basa di dati cullaburativa di schedarii audio autèntichi, arregistrati da lucutori nativi, franchi di diritti per un adopru pidagògicu o persunale segondu i diritti d’utilizazione definiti in a minzione ligale.

Schedarii audio ? I schedarii mp3 sò classificati in diversi livelli di u CECRL è si ponu stà à sente direttamente in linea nant’à u situ, telecaricati à unu à unu o cù un arrogu à u podcastu. Per sapenne di più, leghjite l’artìculu cumu viaghja ?

Cullaburativu ? Volesi dì chì ogni persona interessata pò cuntribuisce à fà campà stu situ prupunendu schedarii d’arregistramentu persunali per mezu di u furmulariu.

Autènticu ? Perchè solu sò selezziunate l’intervenzioni di lucutori nativi (inglese, tedescu, spagnolu, francese, talianu, purtughese, russiu, chinese, occitanu, àrabu, corsu è catalanu.) Sò benvenuti tutti l’accenti !

Ogettivu ? Facilità l’esercimentu à a cumprensione auditiva di tutti quelli bramosi di megliurà e so perfurmanze. Porghje risorse autèntiche à i prufessori di lingua.

Per sapenne di più, leghjite a càrtula d’utilizazione è a minzione ligale !

Twitter Facebook