Presentacion d’Audio-Lingua

da Olivier Caponi

Audio-Lingua, qu’es aquò? Una basa de donadas collaborativa de fichièrs audio autentics, enregistrats per de locutors natius, liures de dreits per una utilizacion pedagogica o personala segon los dreits d’utilizacion definits dins las mencions legalas.

Fichièrs audio ? Los fichièrs mp3 son classificats per nivèl del CECRL e se pòdon escotar dirèctament en linha sul site, telecargats un per un o alavetz per abonament al podcast. Per ne saber mai, legir l’article cossí fonciona.

Collaboratiu ? Aquò significa que tota persona interessada pòt contribuïr a far viure aqueste site en prepausant de fichièrs d’enregistrament personals via lo formulari.

Autentic ? Per çò que son retenguts solets los enregistraments de locutors natius (en anglés, alemand, espanhòl, francés, italian, portugués, rus, chinés, arabe e occitan). Totes los accents son los benvenguts.

Objectiu ? Facilitar l’entraïnament a la comprension auditiva de totes los que desiran melhorar lors performanças. Provesir en ressorsas autenticas los professors de lenga.

Per ne saber mai, legissètz la carta d’utilizacion e las mencions legalas!

Twitter Facebook